ನಿಮ್ಮ ಹಾಸಿಗೆಯನ್ನು ನಿಮ್ಮ ನಾಯಿಯೊಂದಿಗೆ ಹಂಚಿಕೊಳ್ಳಬೇಕೇ?

ಪ್ರಾಣಿ ಪ್ರಿಯರು ಮತ್ತು ಆರೋಗ್ಯ ತಜ್ಞರು ಈ ವಿಷಯದಲ್ಲಿ ವಾದಿಸುತ್ತಲೇ ಇರಬಹುದು, ಆದರೆ ನಿಮ್ಮ ನಾಯಿಯನ್ನು ನಿಮ್ಮ ಜೊತೆ ಒಂದೇ ಹಾಸಿಗೆ ಮತ್ತು ಮ್ಯಾಟ್ರೆಸ್ ಮೇಲೆ ಮಲಗಲು ಬಿಡಬೇಕೇ ಬೇಡವೇ ಎಂಬುದರ ಒಂದು ಅವಲೋಕನ ಇಲ್ಲಿದೆ-

ಅನುಕೂಲಗಳು
ಅವುಗಳ ಬೆಚ್ಚನೆ ಮತ್ತು ಬೇಷರತ್ ಪ್ರೀತಿಯಿಂದ ಸಿಗುವ ಸುರಕ್ಷತೆಯ ಭಾವ ಎಲ್ಲಾ ಭಯಗಳನ್ನು ದೂರಮಾಡಿ ನಿಮಗೆ ಉತ್ತಮವಾಗಿ ನಿದ್ರಿಸಲು ಸಹಾಯ ಮಾಡುತ್ತದೆ. ರಾತ್ರಿಯಿಡೀ ಅತ್ತಿತ್ತ ಓಡಾಡಿ ಅವು ನಿಮಗೆ ತೊಂದರೆ ಕೊಡಬಹುದು ಎಂಬ ಚಿಂತೆ ಇದ್ದರೆ, ಮನುಷ್ಯರ ಜೊತೆ ಮಲಗುವಾಗ ಮಾಡುವಂತೆಯೇ ಇಯರ್ ಬಡ್‌ಗಳನ್ನು ಹಾಕಿಕೊಳ್ಳಬಹುದು. ಅವು ಅತ್ಯುತ್ತಮ ಸಂಗಾತಿಗಳು ಮತ್ತು ರಾತ್ರಿ ಯಾವಾಗಲಾದರೂ ನಿಮ್ಮ ಕಣ್ಣು ತೆರೆದರೆ ನಿಮಗೆ ಒಂಟಿತನ ಮತ್ತು ಚಡಪಡಿಕೆ ಅನಿಸದಂತೆ ತಡೆಯುತ್ತವೆ. ಖಾಲಿ ಕೋಣೆಯಲ್ಲಿ ಒಬ್ಬರೇ ಇದ್ದರೆ, ನಿಮ್ಮ ಜೀವನದ ಬಗ್ಗೆ ವಾಸ್ತವ ಪರಿಶೀಲನೆ ಶುರುಮಾಡಿ ನಿಮ್ಮನ್ನು ನೀವೇ ಹುಚ್ಚರನ್ನಾಗಿಸಿಕೊಳ್ಳುವುದು ಸಹಜ. ಅವುಗಳ ಉಪಸ್ಥಿತಿಯೇ ನಿಮಗೆ ಬೇಕಾದವರು ಮತ್ತು ಪ್ರೀತಿಪಾತ್ರರು ಎಂಬ ಭಾವ ಮೂಡಿಸಿ ನಿಮ್ಮನ್ನು ಶಾಂತಗೊಳಿಸುತ್ತದೆ.

ಕೆಲವರು ಇದನ್ನು ನಾಯಿಯ ಸವಲತ್ತು ಎಂದು ನೋಡಿದರೂ, ಸಮಾಧಾನ ನೀಡುವ ಸಾಕುಪ್ರಾಣಿಯ ಪಕ್ಕ ಮಲಗುವುದು ಮನುಷ್ಯನ ಸವಲತ್ತೇ ಹೆಚ್ಚು. ಸಾಕುಪ್ರಾಣಿ ನಿಮ್ಮ ಪಕ್ಕ ಮಲಗಿರುವುದು ವಾಸ್ತವವಾಗಿ ರಕ್ತದೊತ್ತಡವನ್ನು ಕಡಿಮೆ ಮಾಡಿ ಖಿನ್ನತೆಯ ಸಾಧ್ಯತೆಯನ್ನು ತಗ್ಗಿಸಬಲ್ಲದು ಎಂದು ಅನೇಕ ತಜ್ಞರು ಪ್ರತಿಪಾದಿಸಿದ್ದಾರೆ. ಇದನ್ನು “ನಿಮ್ಮ ನಾಯಿಯನ್ನು ಹಾಳುಮಾಡುವ” ಇಂದಿನ ವಿದ್ಯಮಾನ ಎಂದು ಆಕ್ಷೇಪಿಸುವವರಿಗೆ, ಈಜಿಪ್ಟಿನ ಫೇರೋ Rameses the Great ಬಳಿ Pahates ಎಂಬ ಬೇಟೆ ನಾಯಿ ಇತ್ತು ಮತ್ತು ಅದಕ್ಕೆ “ಫೇರೋನ ಹಾಸಿಗೆ ಸಂಗಾತಿ” ಎಂಬ ಬಿರುದಿತ್ತು ಎಂದು ನಿಮಗೆ ಗೊತ್ತೇ. Alexander the Great ತನ್ನ ದೊಡ್ಡ ಗ್ರೇಹೌಂಡ್ Peritas ಪಕ್ಕ ಮಲಗುತ್ತಿದ್ದ ಎಂದು ತಿಳಿದಿದೆ. ರಷ್ಯಾದ ಝಾರ್ Peter the Great ತನ್ನ ಇಟಾಲಿಯನ್ ಗ್ರೇಹೌಂಡ್ Lisette ಜೊತೆ ಮಲಗುತ್ತಿದ್ದ. ಇತಿಹಾಸದ ಅನೇಕ ಉದಾಹರಣೆಗಳಲ್ಲಿ ಇವು ಕೆಲವು ಮಾತ್ರ.

ಅನಾನುಕೂಲಗಳು
ನಿಮ್ಮ ನಾಯಿಗೆ ಯಾವುದೇ ಚಿಗಟಗಳು ಅಥವಾ ಸೋಂಕುಗಳಿಲ್ಲ ಎಂದು ಖಚಿತಪಡಿಸಿಕೊಳ್ಳಿ. ನಿಮ್ಮ ಸಾಕುಪ್ರಾಣಿಯನ್ನು ಆರೋಗ್ಯವಾಗಿ ಮತ್ತು ಸುರಕ್ಷಿತವಾಗಿ ಇಡುವುದು ನಿಮ್ಮ ಕರ್ತವ್ಯವಾಗಿರುವುದರಿಂದ, ಅವುಗಳಲ್ಲಿ ಯಾವುದಾದರೂ ತಗುಲಿದರೆ ನಿಮ್ಮ ನಾಯಿಯನ್ನು ದೂಷಿಸುವುದು ಅನ್ಯಾಯ. ಖಂಡಿತ, ನೀವು ಹತ್ತಿರ ಮಲಗಲಿ ಅಥವಾ ಒಂದೇ ಜಾಗದಲ್ಲಿ ಕುಳಿತುಕೊಳ್ಳಲಿ, ನಿಮ್ಮ ಸಾಕುಪ್ರಾಣಿಗೆ ಹತ್ತಿರವಿದ್ದರೆ ಅವುಗಳಲ್ಲಿ ಯಾವುದಾದರೂ ತಗುಲುವ ಸಾಧ್ಯತೆ ಇದೆ. ನಿಮ್ಮ ಸಾಕುಪ್ರಾಣಿಯ ಯೋಗಕ್ಷೇಮವನ್ನು ಖಚಿತಪಡಿಸಿಕೊಳ್ಳಿ, ಅದರಿಂದ ನಿಮ್ಮದೂ ಖಚಿತವಾಗುತ್ತದೆ. ಅಪಾಯವನ್ನು ಹೊಡೆದೋಡಿಸಿ!

 ನಿಮ್ಮ ಸಾಕುನಾಯಿಯೊಂದಿಗೆ ಹಾಸಿಗೆ ಹಂಚಿಕೊಳ್ಳುವುದರ ಅನುಕೂಲ ಮತ್ತು ಅನಾನುಕೂಲಗಳು ಏನೇ ಇರಲಿ, ನಮ್ಮಲ್ಲಿ ಲಭ್ಯವಿರುವ ಕೆಲವು ಅತ್ಯುತ್ತಮ ಮ್ಯಾಟ್ರೆಸ್‌ಗಳೊಂದಿಗೆ ನೀವು ಯಾವಾಗಲೂ ಇನ್ನಷ್ಟು ಗಾಢ ನಿದ್ರೆಯ ಅನುಭವ ಪಡೆಯಬಹುದು.