ಕನಸಿನ ಸ್ನಾಯುಗಳಿಗೆ ನಿದ್ರೆಯೇ ಕೀಲಿಕೈ!

ಹೌದು, ನೀವು ಸರಿಯಾಗಿಯೇ ಕೇಳಿದ್ದೀರಿ! ಸ್ನಾಯುಗಳನ್ನು ಬೆಳೆಸಲು ನಿದ್ರೆ ಎಷ್ಟು ಅತ್ಯಗತ್ಯ ಎಂದು ಸಂಶೋಧನೆ ತೋರಿಸುತ್ತದೆ. ಹಾಗಾಗಿ ಹಾಸಿಗೆಯಲ್ಲಿ ಕಳೆಯಬೇಕಾದ ಆ ಅಗತ್ಯ ಸಮಯದಲ್ಲಿ ರಾಜಿ ಮಾಡಿಕೊಳ್ಳಬೇಡಿ. ಇದು ದಣಿದ ಸ್ನಾಯುಗಳನ್ನು ಪರಿಣಾಮಕಾರಿಯಾಗಿ ಚೇತರಿಸಲು, ಶಕ್ತಿ ಹೆಚ್ಚಿಸಲು ಮತ್ತು ಆ ಕನಸಿನ ಗಾತ್ರ ತಲುಪಲು ಸಹಾಯ ಮಾಡುತ್ತದೆ. ಜನಪ್ರಿಯ ಮಾತೊಂದಿದೆ- “ಸ್ನಾಯುಗಳು ಜಿಮ್‌ನಲ್ಲಿ ಹರಿಯುತ್ತವೆ, ಅಡುಗೆಮನೆಯಲ್ಲಿ ಪೋಷಣೆ ಪಡೆಯುತ್ತವೆ ಮತ್ತು ಹಾಸಿಗೆಯಲ್ಲಿ ಬೆಳೆಯುತ್ತವೆ”

ಇತ್ತೀಚಿನ ಸಪ್ಲಿಮೆಂಟ್, ಪೌಷ್ಟಿಕಾಂಶ ಕಾರ್ಯಕ್ರಮ ಮತ್ತು ಕಠಿಣ ವ್ಯಾಯಾಮ ಪದ್ಧತಿ, ಅವುಗಳ ಜೊತೆಗೆ ಸಾಕಷ್ಟು ನಿದ್ರೆ ಮತ್ತು ಅದನ್ನು ಪಡೆಯುವ ವಿಧಾನಗಳನ್ನು ಅನುಸರಿಸದಿದ್ದರೆ ಬಯಸಿದ ಫಲಿತಾಂಶವನ್ನು ಖಾತರಿಪಡಿಸುವುದಿಲ್ಲ.

ಆಳವಾದ ನಿದ್ರೆಯ ಚಕ್ರಗಳಲ್ಲಿ, ನಿಮ್ಮ ದೇಹದ ಸ್ನಾಯುಗಳು ಸಡಿಲಗೊಳ್ಳುತ್ತವೆ ಮತ್ತು ಸಹಜ ಬೆಳವಣಿಗೆಯ ಹಾರ್ಮೋನ್ (HGH) ಉತ್ಪತ್ತಿಯಾಗುತ್ತದೆ. ಹಾಗಾಗಿ ಒಳ್ಳೆಯ ಮತ್ತು ಆರೋಗ್ಯಕರ ನಿದ್ರೆಯ ಅಭ್ಯಾಸಗಳನ್ನು ಪಾಲಿಸಲು ಮರೆಯಬೇಡಿ. ನಿಮ್ಮ ಸ್ನಾಯುಗಳನ್ನು ಸಡಿಲಗೊಳಿಸಿ ರಾತ್ರಿಯ ಒಳ್ಳೆಯ ನಿದ್ರೆ ಪಡೆಯಲು ಸಹಾಯ ಮಾಡುವುದರಿಂದ ನಿಮಗೆ ನಿರಾಳ ವಿಶ್ರಾಂತಿ ನೀಡುವ ಅತ್ಯುತ್ತಮ ಮ್ಯಾಟ್ರೆಸ್ ಅನ್ನು, ಗುಣಮಟ್ಟದ ಮ್ಯಾಟ್ರೆಸ್ ಟಾಪರ್ ಜೊತೆಗೆ ಆರಿಸಿ.

ನಾವು ನಿದ್ರಿಸುವಾಗ ಶಕ್ತಿಯ ಬಳಕೆ ಕಡಿಮೆಯಾಗುತ್ತದೆ, ಇದರಿಂದ ಹಗಲಿನಲ್ಲಿ ನಾವು ತಿನ್ನುವ ಉತ್ತಮ ಗುಣಮಟ್ಟದ ಆಹಾರವನ್ನು ಸ್ನಾಯುಗಳನ್ನು ಬೆಳೆಸಲು ಹೆಚ್ಚು ಸಮರ್ಥವಾಗಿ ಬಳಸಲು ಸಾಧ್ಯವಾಗುತ್ತದೆ. ಬೆಳವಣಿಗೆಯ ಹಾರ್ಮೋನ್ ಬಿಡುಗಡೆಯಾದಾಗ ಸ್ನಾಯುಗಳ ಚೇತರಿಕೆ ಮತ್ತು ಪುನರುತ್ಪತ್ತಿ ಸುಧಾರಿಸುತ್ತದೆ. ನಾವು ನಿದ್ರಿಸುವಾಗ ಮೆದುಳೂ ಚೈತನ್ಯ ತುಂಬಿಕೊಳ್ಳುತ್ತದೆ. ಸ್ನಾಯುಗಳನ್ನು ಬೆಳೆಸಲು ಇದು ಮುಖ್ಯ, ಏಕೆಂದರೆ ವಿಶ್ರಾಂತಿ ಪಡೆದ ಮೆದುಳು ಏಕಾಗ್ರತೆಯ ಮತ್ತು ಪ್ರೇರಣೆಯುಳ್ಳ ಮೆದುಳು. ಸರಳವಾಗಿ ಹೇಳುವುದಾದರೆ, ನೀವು ನಿದ್ರಿಸಿದಾಗ ಚೇತರಿಸಿಕೊಳ್ಳುತ್ತೀರಿ, ಮತ್ತು ಚೇತರಿಸಿಕೊಂಡಾಗ ದುರಸ್ತಿ ಮಾಡುತ್ತೀರಿ, ಬದಲಾಯಿಸುತ್ತೀರಿ ಮತ್ತು ಮರುನಿರ್ಮಿಸುತ್ತೀರಿ, ಮತ್ತು ಅತ್ಯುತ್ತಮ ಫಲಿತಾಂಶಕ್ಕೆ ಇವೆಲ್ಲವೂ ಅತ್ಯಗತ್ಯ.

ಸ್ನಾಯು ಮತ್ತು ಇತರ ಅಂಗಾಂಶಗಳ ದುರಸ್ತಿ, ಹಳೆಯ ಮತ್ತು ಸತ್ತ ಜೀವಕೋಶಗಳ ಬದಲಾವಣೆ

ರಾತ್ರಿ ದೀರ್ಘ ಕಾಲ ನಿದ್ರಿಸುವುದು ಉಪವಾಸದಂತೆಯೇ, ಮತ್ತು ಸ್ನಾಯುಗಳ ಬೆಳವಣಿಗೆಗೆ ಇದು ಅತ್ಯಗತ್ಯ. ಆದರೆ, ಮಲಗುವ ಸ್ವಲ್ಪ ಮೊದಲು ತಿಂದರೆ ಈ ಪ್ರಕ್ರಿಯೆ ತಿರುವುಮುರುವಾಗುತ್ತದೆ, ಮತ್ತು ಪ್ರೋಟೀನ್ ಸಂಶ್ಲೇಷಣೆ ಸ್ನಾಯುಗಳ ಬದಲು ಜೀರ್ಣಾಂಗದಲ್ಲಿ ಹೆಚ್ಚುತ್ತದೆ. ಹಾಗಾಗಿ ಮಲಗುವ ಕನಿಷ್ಠ ಎರಡು ಗಂಟೆ ಮೊದಲು ತಿನ್ನುವಂತೆ ನೋಡಿಕೊಳ್ಳಿ.

ಈ ಉಪವಾಸದ ಸಮಯದಲ್ಲಿ, ನಮ್ಮ ಹೊಟ್ಟೆಗೆ ಅಮೈನೊ ಆಮ್ಲಗಳನ್ನು ಒದಗಿಸಲು ಸ್ನಾಯುಗಳು ವಾಸ್ತವವಾಗಿ ವಿಭಜನೆಯಾಗುತ್ತವೆ. ಇದನ್ನು ಸರಿದೂಗಿಸಲು ರಾತ್ರಿ ಮಲಗುವ ಮೊದಲು ತಿನ್ನುವುದು ಅತ್ಯಗತ್ಯ.  

ನೀವು ನಿದ್ರಿಸುವಾಗ ಮಾನವ ಬೆಳವಣಿಗೆಯ ಹಾರ್ಮೋನ್ ಕೂಡ ಬಿಡುಗಡೆಯಾಗುತ್ತದೆ. ಪುರುಷರಲ್ಲಿ, ದಿನದ ಮಾನವ ಬೆಳವಣಿಗೆಯ ಹಾರ್ಮೋನ್ ಸ್ರವಿಸುವಿಕೆಯ ಅರ್ಧಕ್ಕಿಂತ ಹೆಚ್ಚು ಭಾಗ, ನಿದ್ರೆಯ ಆರಂಭದಲ್ಲಿ ಬರುವ ಅತ್ಯಂತ ಆಳವಾದ ನಿದ್ರೆಯ ಚಕ್ರಗಳಲ್ಲಿ ಆಗುತ್ತದೆ. ಸರಿಯಾದ ನಿದ್ರೆ ಇಲ್ಲದಿದ್ದರೆ ಮಾನವ ಬೆಳವಣಿಗೆಯ ಹಾರ್ಮೋನ್ ಮಟ್ಟದ ಮೇಲೆ ಕೆಟ್ಟ ಪರಿಣಾಮವಾಗುತ್ತದೆ. ತಡವೆಂದರೆ 11pm ಒಳಗೆ ಮಲಗಿ, ಕನಿಷ್ಠ ಎಂಟು ಗಂಟೆ ನಿದ್ರಿಸುವಂತೆ ನೋಡಿಕೊಳ್ಳಿ.

REM (Rapid Eye Movement: ಮುಂದೆ ವಿವರಿಸಲಾಗಿದೆ) ನಿದ್ರೆಯ ಸಮಯದಲ್ಲಿ ದೇಹ ಮೂಳೆಗಳು, ಅಂಗಗಳು ಮತ್ತು ಅಂಗಾಂಶಗಳನ್ನು ನವೀಕರಿಸಲು; ಮಾನವ ಬೆಳವಣಿಗೆಯ ಹಾರ್ಮೋನ್ ಅನ್ನು ಸಂಚರಿಸಲು; ಮತ್ತು ರೋಗನಿರೋಧಕ ಕೋಶಗಳನ್ನು ಮರುಪೂರಣ ಮಾಡಲು ಸಾಧ್ಯವಾಗುತ್ತದೆ. ದೈಹಿಕ ಯೋಗಕ್ಷೇಮ ಮತ್ತು ಸ್ನಾಯುಗಳ ಬೆಳವಣಿಗೆಯ ಮೇಲೆ ನಿದ್ರೆ ಆಳವಾದ ಪರಿಣಾಮ ಬೀರುತ್ತದೆ.