രാത്രി നല്ല ഉറക്കത്തിനായി ഇവ കുടിക്കൂ

കടുപ്പമുള്ള ഒരു മദ്യപാനീയം തൽക്കാലം നിങ്ങളെ ശാന്തമാക്കി ഉറക്കത്തിലേക്ക് നയിച്ചേക്കാമെങ്കിലും, യഥാർത്ഥത്തിൽ ശരീരത്തിന് ആവശ്യമായ ഉറക്കം അത് നൽകുന്നില്ല. അത് ഉപരിപ്ലവമായ ഉറക്കം മാത്രമേ നൽകൂ, അടുത്ത ദിവസം നിങ്ങളെ മന്ദഗതിയിലാക്കുകയും ചെയ്യാം. നിങ്ങൾ ശരിക്കും നന്നായി ഉറങ്ങാൻ ആഗ്രഹിക്കുന്നുവെങ്കിൽ, ശരീരത്തിന് സ്വർഗ്ഗീയ അനുഭൂതി നൽകുന്ന ഗുണങ്ങളുള്ള പാനീയങ്ങളിലേക്ക് മാറൂ.

മദ്യം ഒഴിവാക്കി, നല്ല ഉറക്കത്തിനും ഉന്മേഷത്തിനുമായി ഈ ആരോഗ്യകരമായ പാനീയങ്ങൾ പരീക്ഷിക്കൂ:

• ചമോമൈൽ ചായ
  ഉറക്കമില്ലായ്മ അനുഭവിക്കുന്നവർക്ക് വളരെക്കാലമായി വിദഗ്ധർ ശുപാർശ ചെയ്യുന്നതാണ് ചമോമൈൽ. ഈ ചായ വളരെ ആശ്വാസവും ശാന്തതയും നൽകുന്നതാണ്, തീർച്ചയായും കഫീൻ ഇല്ലാത്തതുമാണ്. ഫലപ്രാപ്തി കാരണം ഇതിനെ “ഉറക്ക ചായ” എന്നും വിളിക്കുന്നു. ചമോമൈൽ- ലാവെൻഡർ മിശ്രിതവും തിരഞ്ഞെടുക്കാം.
• ഗ്രീൻ ടീ
  കഫീൻ നീക്കിയ ഒരു കപ്പ് ഗ്രീൻ ടീ രാത്രി നല്ല ഉറക്കം ലഭിക്കുന്നതുൾപ്പെടെ പല തരത്തിൽ വളരെ ഗുണകരമാണ്. ആരോഗ്യകരമായ രാത്രിയുറക്കത്തിന് പ്രധാനമെന്ന് തെളിയിക്കപ്പെട്ട തിയനിൻ എന്ന അമിനോ ആസിഡ് ഗ്രീൻ ടീയിൽ അടങ്ങിയിരിക്കുന്നു.
• ഇളനീർ
  ഇളനീർ ഉന്മേഷം നൽകുന്ന ഒരു പാനീയമായാണ് നമ്മൾ സാധാരണ കരുതുന്നത്. എന്നാൽ രാത്രി നല്ല ഉറക്കം ലഭിക്കുന്ന കാര്യത്തിൽ യഥാർത്ഥത്തിൽ അത് നിങ്ങളുടെ ഉറ്റ സുഹൃത്താണ്. മഗ്നീഷ്യം ധാരാളമുള്ളതും ശരീരത്തിൽ ജലാംശം വീണ്ടെടുക്കാൻ മികച്ചതുമായ പുതിയ ഇളനീർ ഒരു കുഞ്ഞിനെപ്പോലെ ഉറങ്ങാൻ നിങ്ങളെ സഹായിക്കും. എല്ലാ ദിവസവും കുടിച്ച് ഫലം കണ്ടുനോക്കൂ.
• ചെറി ജ്യൂസ്
  രാവിലെ ഒരു ഗ്ലാസ് ചെറി ജ്യൂസും വൈകുന്നേരം മറ്റൊന്നും കുടിക്കുന്നത് ഒരു മണിക്കൂർ അധികം ഉറങ്ങാൻ സഹായിക്കുമെന്ന് ഗവേഷണങ്ങൾ കാണിക്കുന്നു. കാരണം, ഉറക്ക ഹോർമോണായ മെലറ്റോണിൻ ചെറികളിൽ ധാരാളമുണ്ട്.
• ബനാന സ്മൂത്തി
  ഉറങ്ങാൻ പോകുന്നതിന് മുമ്പ് കുടിക്കാൻ മികച്ച പാനീയമാണ് ബനാന സ്മൂത്തി. സുഖമായി ഉറങ്ങാൻ സഹായിക്കുന്ന സെറോടോണിനും പേശികൾക്ക് അയവ് നൽകുന്ന മഗ്നീഷ്യവും അടങ്ങിയതിനാൽ ഇത് പോഷകവും ആശ്വാസവും നൽകുന്നു. വളരെ ആരോഗ്യകരവും തൃപ്തികരവുമായ ബനാന സ്മൂത്തിക്കായി, പഴുത്ത പഴത്തിന്റെ പകുതി 1 ടേബിൾസ്പൂൺ ആൽമണ്ട് ബട്ടറിനൊപ്പം ബ്ലെൻഡ് ചെയ്യുക, അല്ലെങ്കിൽ ഒരു ടീസ്പൂൺ തേനും 1/2 കപ്പ് സോയ പാലോ ആൽമണ്ട് പാലോ ചേർത്ത് മിനുസമാകുന്നതുവരെ ബ്ലെൻഡ് ചെയ്യുക.
• പാൽ
  ചെറുചൂടുള്ള പാൽ നിങ്ങളെ ഉറക്കത്തിലേക്ക് നയിക്കാൻ സഹായിക്കും. രുചി അത്ര സുഖകരമല്ലെങ്കിലും ആരോഗ്യത്തിന് നല്ലതായതിനാൽ മഞ്ഞൾ ചേർക്കാം, അല്ലെങ്കിൽ അൽപം കൊക്കോ ചേർത്ത് കുടിക്കാം. ഒരു ടീസ്പൂൺ തേൻ ചേർത്തും കുടിക്കാം, അറിയാതെ തന്നെ മധുരസ്വപ്നങ്ങൾ പിന്നാലെ വരും.

ആരോഗ്യകരമായ ഭക്ഷണം മാത്രമല്ല, ആവശ്യത്തിന് ഉറക്കം ലഭിക്കാൻ നിങ്ങൾക്ക് ഒരു ലാറ്റക്സ് ഫോം മെത്തയും ആവശ്യമാണ് എന്ന് ഓർക്കുക.