ಗಾಳಿಯ ಗುಣಮಟ್ಟ ನಮ್ಮ ನಿದ್ರೆಯ ಮೇಲೆ ಪರಿಣಾಮ ಬೀರುತ್ತದೆಯೇ

ನಿಮ್ಮ ನಗರದ ಮೇಲೆ ಕವಿದಿರುವ ಆ ಮಬ್ಬು, ಅಲ್ಲಿನ ಎಲ್ಲಾ ನಿವಾಸಿಗಳ ಆರೋಗ್ಯ ಮತ್ತು ಯೋಗಕ್ಷೇಮಕ್ಕೆ ಬೆದರಿಕೆ ಒಡ್ಡುತ್ತಿರುವ ಅಪಾಯಕಾರಿ ಮಟ್ಟದ ಮಾಲಿನ್ಯವೇ ಆಗಿರುವ ಸಾಧ್ಯತೆ ಹೆಚ್ಚು. ಕಾರಣ ಏನೇ ಇರಲಿ- ಕೈಗಾರಿಕಾ ಹೊಗೆ, ಹೆಚ್ಚುತ್ತಿರುವ ಸಂಚಾರ ಅಥವಾ ಪಳೆಯುಳಿಕೆ ಇಂಧನಗಳು, ಇದು ನಾವು ಸಾಧಿಸುವ ಯಾವುದೇ ಪ್ರಮಾಣದ ಬೆಳವಣಿಗೆಯನ್ನು ಅಪಾಯಕ್ಕೆ ಸಿಲುಕಿಸುತ್ತಿದೆ. WHO ಪ್ರಕಾರ, ಭಾರತದಲ್ಲಿ ವಾಯು ಮಾಲಿನ್ಯ ಐದನೇ ಅತಿ ದೊಡ್ಡ ಮಾರಕ.

ವಿಶೇಷವಾಗಿ ಚಳಿಗಾಲದಲ್ಲಿ ಗಾಳಿಯನ್ನು ತುಂಬುವ ವಿಷಕಾರಿ ವಾಯು ಮಾಲಿನ್ಯಕಾರಕಗಳು ಒಟ್ಟಾರೆ ಆರೋಗ್ಯಕ್ಕೆ ಅಪಾಯಕಾರಿ. ವಾಸ್ತವವಾಗಿ ಮಕ್ಕಳು ಮತ್ತು ವೃದ್ಧರು ಅತಿ ಹೆಚ್ಚು ಸೂಕ್ಷ್ಮರಾಗಿದ್ದು, ಹದಗೆಡುತ್ತಿರುವ ಪರಿಸರ ಸ್ಥಿತಿಗಳಿಂದಾಗಿ ಗಂಭೀರ ಶ್ವಾಸಕೋಶದ ಸಮಸ್ಯೆಗಳಿಗೆ ಬಲಿಯಾಗಬಹುದು.

ಕಲುಷಿತ ಗಾಳಿಗೆ ನಿರಂತರವಾಗಿ ಒಡ್ಡಿಕೊಳ್ಳುವುದು ಹೇಗೆ ನಿದ್ರೆಯ ಭಂಗಕ್ಕೆ ಕಾರಣವಾಗಬಹುದು ಎಂದು ಸಂಶೋಧನೆ ತೋರಿಸಿದೆ. ಕೆಟ್ಟ ಗಾಳಿ ಮೇಲ್ಭಾಗದ ಉಸಿರಾಟ ವ್ಯವಸ್ಥೆಯನ್ನು ಪ್ರವೇಶಿಸಿ ಕಿರಿಕಿರಿ ಉಂಟುಮಾಡಿ ಉಸಿರಾಟದ ಪ್ರಕ್ರಿಯೆಯನ್ನು ಅಷ್ಟು ಕಷ್ಟಗೊಳಿಸುತ್ತದೆ ಎಂದು ತಿಳಿದಿರುವುದರಿಂದ ಇದು ಆಶ್ಚರ್ಯವಲ್ಲ. ನಮ್ಮ ಶ್ವಾಸಕೋಶಗಳು ಉಸಿರಾಟ ವ್ಯವಸ್ಥೆಯ ಪ್ರಾಥಮಿಕ ಅಂಗಗಳು. ಉಸಿರಾಟ ವ್ಯವಸ್ಥೆಯ ಇತರ ಅಂಗಗಳು ಗಾಳಿಯನ್ನು ಶ್ವಾಸಕೋಶಗಳಿಗೆ ನಿರ್ದೇಶಿಸುತ್ತವೆ, ಉದಾಹರಣೆಗೆ ಶ್ವಾಸನಾಳ (windpipe), ಇದು ಬ್ರಾಂಕೈ ಎಂಬ ಸಣ್ಣ ರಚನೆಗಳಾಗಿ ಕವಲೊಡೆಯುತ್ತದೆ, ಶ್ವಾಸಕೋಶಗಳಿಗೆ ಉಸಿರಾಡುವುದರಲ್ಲಿ ತೊಡಗಿರುವ ಉಸಿರಾಟ ಮಾರ್ಗದಲ್ಲಿ ಗಾಳಿ ಇವುಗಳ ಮೂಲಕ ಹಾದುಹೋಗುತ್ತದೆ. ಇಡೀ ಪ್ರಕ್ರಿಯೆ ಕಷ್ಟವಾಗುತ್ತದೆ ಮತ್ತು ದುರ್ಬಲ ಶ್ವಾಸಕೋಶಗಳಿರುವವರು ಅಥವಾ ಇನ್ನೂ ಸಂಪೂರ್ಣವಾಗಿ ಬೆಳೆಯದ ಅಂಗಗಳಿರುವವರು ಹೆಚ್ಚು ಕಷ್ಟಪಡುತ್ತಾರೆ ಮತ್ತು ಮಾಲಿನ್ಯ ಹೆಚ್ಚಿದ ಕ್ಷಣದಿಂದಲೇ ಚಡಪಡಿಕೆಯ ರಾತ್ರಿಗಳನ್ನು ಕಳೆಯತೊಡಗುತ್ತಾರೆ.

ಕೆಟ್ಟ ಗಾಳಿಯನ್ನು ಎದುರಿಸಲು ಮತ್ತು ಉತ್ತಮವಾಗಿ ನಿದ್ರಿಸಲು ನೀವು ಏನು ಮಾಡಬಹುದು-

• ಹೊರಗಿನ ಗಾಳಿಗೆ ಒಡ್ಡಿಕೊಳ್ಳುವುದನ್ನು ಮಿತಗೊಳಿಸಿ. ಮಾಲಿನ್ಯ ಅತಿ ಹೆಚ್ಚಿರುವ ಮುಂಜಾನೆ ಅಥವಾ ರಾತ್ರಿ ಹೊರಗೆ ಹೋಗುವುದನ್ನು ತಪ್ಪಿಸಿ. ದಿನದ ಹೆಚ್ಚಿನ ಸಮಯ ನಿಮ್ಮ ಕಿಟಕಿಗಳನ್ನು ಮುಚ್ಚಿಡಲು ಪ್ರಯತ್ನಿಸಿ, 
• ಉಸಿರಾಟದ ತೊಂದರೆ ಇದ್ದರೆ, ಇನ್‌ಹೇಲರ್ ಪಡೆಯಬಹುದು. ಇದು ಇನ್ನು ಅಸ್ತಮಾ ಇರುವವರಿಗೆ ಮಾತ್ರ ಮೀಸಲಲ್ಲ. ಇದು ನಿರಂತರ ಕೆಮ್ಮು, ಉಬ್ಬಸ, ಎದೆ ಬಿಗಿತ ಅಥವಾ ಶ್ವಾಸಕೋಶದಲ್ಲಿನ ಯಾವುದೇ ಅಸ್ವಸ್ಥತೆಯಿಂದ ಉಪಶಮನ ನೀಡುತ್ತದೆ. ಬೀಟಾ ಅಗೊನಿಸ್ಟ್ ಶ್ವಾಸಕೋಶದಲ್ಲಿನ ಬ್ರಾಂಕಿಯಲ್ ಸ್ನಾಯುವನ್ನು ಸಡಿಲಿಸಿ, ಉಸಿರಾಟ ಮಾರ್ಗವನ್ನು ತೆರೆದು ಹೆಚ್ಚು ಆಮ್ಲಜನಕ ಒಳಗೆ ಬರಲು ಸಹಾಯ ಮಾಡುತ್ತದೆ. ಮಲಗುವ ಮುನ್ನ ಇನ್‌ಹಲೇಷನ್ ಮಾಡಲು ಪ್ರಯತ್ನಿಸಬಹುದು. 
• ಏರ್ ಪ್ಯೂರಿಫೈಯರ್ ಪಡೆಯಿರಿ ಅಥವಾ ನಿಮ್ಮ ಮನೆಯ ಸುತ್ತ ಹೆಚ್ಚು ಹಸಿರು ಸೇರಿಸಿ ಮತ್ತು ನಿಭಾಯಿಸಲು ಸಹಾಯವಾಗುವಂತೆ ಒಳಾಂಗಣ ಸಸ್ಯಗಳನ್ನೂ ತನ್ನಿ. 
• ನಿಮ್ಮ ದೇಹವನ್ನು ಶುದ್ಧೀಕರಿಸಲು, ದಿನಕ್ಕೆ ಕನಿಷ್ಠ ಎರಡು ಬಾರಿ ಶುಂಠಿ, ತುಳಸಿ ಮತ್ತು ಅರಿಶಿನದ ಉರಿಯೂತ-ನಿರೋಧಕ ಪಾನೀಯ ಕುಡಿಯಿರಿ. 
• ರೋಗನಿರೋಧಕ ಶಕ್ತಿ ಹೆಚ್ಚಿಸಲು ಮತ್ತು ಆ ಎಲ್ಲಾ ಹೊಗೆಮಂಜಿನ ಕೆಟ್ಟ ಪರಿಣಾಮವನ್ನು ಎದುರಿಸಲು ಸಾಕಷ್ಟು ವಿಟಮಿನ್ C ಸೇವಿಸಿ. ಓಝೋನ್ ವಾಯು ಮಾಲಿನ್ಯದೊಂದಿಗೆ ಸಾಕಷ್ಟು ವಿಷಕಾರಿ ಅಂಶಗಳು ಬರುತ್ತವೆ. ದೇಹವನ್ನು ಡಿಟಾಕ್ಸ್ ಆಗಿಡಿ. 
• ಕೆಲವು ಉಸಿರಾಟದ ವ್ಯಾಯಾಮಗಳನ್ನು ಮಾಡಿ. ನಿಮ್ಮ ಶ್ವಾಸಕೋಶಗಳು ನಿಭಾಯಿಸಲು ಸಹಾಯ ಮಾಡಲು, ಸ್ವಲ್ಪ ಯೋಗಕ್ಕಿಂತ ಉತ್ತಮವಾದ್ದು ಬೇರೊಂದಿಲ್ಲ. ಭಸ್ತ್ರಿಕಾ ಪ್ರಾಣಾಯಾಮ ಅತ್ಯಂತ ಪರಿಣಾಮಕಾರಿ. ಈ ಪರಿಣಾಮಕಾರಿ ಉಸಿರಾಟದ ವ್ಯಾಯಾಮ ದೇಹದ ವ್ಯವಸ್ಥೆಯ ನಿರ್ವಿಷೀಕರಣಕ್ಕೆ (ಸಂಕ್ಷಿಪ್ತವಾಗಿ ಡಿಟಾಕ್ಸ್) ಸಹಾಯ ಮಾಡುತ್ತದೆ ಮತ್ತು ಶಕ್ತಿಯನ್ನು ಕಾಪಾಡಲು ಸಹಾಯ ಮಾಡುತ್ತದೆ. ಇದನ್ನು ಮಾಡುವ ವಿಧಾನ:
• ಪದ್ಮಾಸನ ಅಥವಾ ಕಮಲದ ಭಂಗಿಯಲ್ಲಿ ಕುಳಿತು ಉಸಿರಾಡುವಾಗ ನಿಮ್ಮ ಹೊಟ್ಟೆ ಸಂಪೂರ್ಣವಾಗಿ ಹಿಗ್ಗಲು ಬಿಡಿ.
• ಐದರವರೆಗೆ ಎಣಿಸಿದ ನಂತರ ಉಸಿರು ಬಿಡಿ. ಈಗ ಬಲವಾಗಿ ಉಸಿರು ಎಳೆದುಕೊಂಡು ಬಿಡಿ
• ಉಸಿರು ನಿಮ್ಮ ವಪೆಯಿಂದ ಹೊರಬರುತ್ತಿದೆ ಎಂದು ಖಚಿತಪಡಿಸಿಕೊಳ್ಳಿ; ಹೊಟ್ಟೆ ಒಳಗೆ ಮತ್ತು ಹೊರಗೆ ಚಲಿಸುವಾಗ ನಿಮ್ಮ ಕುತ್ತಿಗೆ, ತಲೆ, ಎದೆ ಮತ್ತು ಭುಜಗಳನ್ನು ಸ್ಥಿರವಾಗಿಡಿ.  ನೀವು ಅತ್ಯುತ್ತಮ ನಿದ್ರೆಯ ಅನುಭವ ಹುಡುಕುತ್ತಿದ್ದರೆ, ಭಾರತದ ಅತ್ಯುತ್ತಮ ಮ್ಯಾಟ್ರೆಸ್ ಬ್ರ್ಯಾಂಡ್ ಅನ್ನು ನೋಡಿ.