నిద్రవేళ కథలు ఎందుకు..

తల్లిదండ్రులు తమ చిన్నారుల కోసం ఎంతో ఉత్సాహంగా పుస్తకాలు తెచ్చిపెట్టి, పిల్లలను బెడ్‌పై పడుకోబెట్టిన తర్వాత వాటిని గట్టిగా ఎందుకు చదివి వినిపిస్తారో మీరు ఎప్పుడైనా ఆలోచించారా? చదవడం వల్ల కలిగే మంచి సంగతి పక్కన పెడితే, చిన్నప్పుడు ఎవరైనా చదివి వినిపించడం వల్ల కూడా ఎన్నో దీర్ఘకాలిక ప్రయోజనాలు ఉంటాయని చెబుతారు.

చాలా మంది నిద్రవేళ దినచర్యలో నిద్రవేళ కథలు ఒక సాధారణ భాగం, పిల్లల ఎదుగుదలలో అవి ముఖ్యమైన పాత్ర పోషిస్తాయి. ఎదిగే పిల్లలకు మంచి నిద్ర అవసరమని తల్లిదండ్రులు తెలుసుకోవాలి. సౌకర్యవంతమైన దిండు, మ్యాట్రెస్ ప్రొటెక్టర్, మ్యాట్రెస్ టాపర్, ఉత్తమ నాణ్యత గల మ్యాట్రెస్ బ్రాండ్ మొదలైనవి వాడి సరైన నిద్ర వాతావరణాన్ని వాళ్లు ఏర్పాటు చేయాలి.

మీరు, మీ పిల్లలు కలిసి ఏడుగురు మరుగుజ్జుల సాహసయాత్రను అనుసరిస్తున్నప్పుడు లేదా ఇంద్రధనుస్సు చివర బంగారు కుండ కోసం వెతుకుతున్నప్పుడు, మీ పిల్లల ఊహాశక్తిని రేకెత్తిస్తూ, వాళ్ల ఆలోచనా సామర్థ్యాలకు పదును పెడుతున్నారు. కథ చెప్పడం అయిపోయిన తర్వాత లేదా కొన్నిసార్లు కథ మధ్యలోనే పిల్లలు జారుకునే గాఢ నిద్రను కూడా మర్చిపోకూడదు.

నిద్రవేళ మీ పిల్లలకు చదివి వినిపించడం వల్ల ప్రయోజనాలు-

1) తల్లిదండ్రులు, పిల్లల మధ్య అనుబంధాన్ని పెంచుతుంది. పిల్లలు సురక్షితంగా, ప్రేమించబడుతున్నట్టు భావించడానికి సహాయపడుతుంది.

2) పిల్లలు మరింత బాగా, ప్రశాంతంగా నిద్రపోవడానికి సహాయపడుతుంది.

3) వాళ్లు భాషను వేగంగా నేర్చుకోవడానికి సహాయపడుతుంది, తమ చిన్ని బుర్రలో కథను అర్థం చేసుకోవడానికి ప్రయత్నిస్తూ అవగాహనా నైపుణ్యాలను పెంచుకుంటారు.

4) వేర్వేరు పాత్రలను అర్థం చేసుకుంటూ, భావాలను తెలుసుకుంటూ ఇతరుల పట్ల సానుభూతి పెంచుకుంటారు.

5) కథలో లీనమైపోయి అశాంతిగా, చురుగ్గా ఉండే పిల్లలు ప్రశాంతంగా మారడానికి ఇది సహాయపడుతుంది, గాఢ నిద్రలోకి జారుకుంటూ కలలు కనడానికి వాళ్లకు ఏదో ఒకటి మిగులుస్తుంది.

6) కలిసి గడిపిన సమయానికి సంబంధించిన కుటుంబ జ్ఞాపకాలను ఏర్పరుస్తుంది, తర్వాతి సంవత్సరాల్లో వాటిని ప్రేమగా గుర్తుచేసుకోవచ్చు. చిన్న వయసులో, సంతోషకరమైన జ్ఞాపకాలు మనసులో బలంగా ముద్రపడిపోతాయి,

7) పిల్లలతో కలిసి కథ చదువుతూ మాటల ద్వారా జ్ఞానాన్ని, ఆలోచనలను, నేర్చుకున్న విషయాలను, హాస్యాన్ని పంచుకోగలుగుతాం.

8) చక్కగా చెప్పిన కథ జ్ఞాపకశక్తిని పనిచేయిస్తూ ఉంటుంది, ఎందుకంటే మీ పిల్లలు తర్వాత ఆ వివరాలను గుర్తుచేసుకోవడానికి ప్రయత్నిస్తారు. అలాగే, ఆనందించిన కథ గురించి తల్లిదండ్రులు పిల్లలకు గుర్తు చేయవచ్చు.

9) వస్తువులు, మనుషులు, ప్రపంచం గురించి జ్ఞానాన్ని పెంచడంలో కథ సహాయపడుతుంది కాబట్టి ఇది వాళ్ల పరిధిని విస్తరిస్తుంది.

10) నైతిక విలువలను, పౌర స్పృహను పెంపొందిస్తుంది. ఆసక్తికరంగా ఉంటూనే నీతిని చెప్పే కథలు పిల్లలకు మంచిగా ఉండటాన్ని, సరైన సామాజిక ప్రవర్తనను నేర్పగలవు.

11) ఆరోగ్యకరమైన నిద్రవేళ దినచర్యను ఏర్పరుస్తుంది. పిల్లలు ఈ నిద్రవేళ కథలు వినడానికి ఇష్టపడతారు కాబట్టి, కథ వినే ఆనందం కోసం బెడ్‌పైకి వెళ్లే ముందు పాలు తాగమని, పళ్లు తోముకోమని, టాయిలెట్‌కు వెళ్లమని వాళ్లకు చెప్పవచ్చు. దీన్ని ప్రతిరోజూ పాటించండి, మరుసటి ఉదయం బాగా విశ్రాంతి తీసుకుని ఉత్సాహంగా ఉన్న మీ పిల్లలను పలకరించండి.