காற்றின் தரம் நம் தூக்கத்தைப் பாதிக்கிறதா

உங்கள் நகரத்தின் மீது தொங்கிக்கொண்டிருக்கும் அந்தப் புகைமூட்டம், அங்கு வாழும் அனைவரின் ஆரோக்கியத்தையும் நலனையும் அச்சுறுத்தும் ஆபத்தான அளவு உயர்ந்த மாசாக இருக்கவே வாய்ப்பு அதிகம். காரணம் எதுவாக இருந்தாலும்- தொழிற்சாலைப் புகை, அதிகரிக்கும் போக்குவரத்து அல்லது பிளாஸில் எரிபொருட்கள்- நாம் அடையும் எந்த வளர்ச்சியையும் இது ஆபத்தில் ஆழ்த்துகிறது. WHO-வின்படி, இந்தியாவில் அதிக உயிர்களைப் பறிக்கும் காரணிகளில் காற்று மாசு ஐந்தாவதாக உள்ளது.

குறிப்பாக குளிர்காலத்தில் காற்றில் நிறையும் நச்சுத்தன்மை கொண்ட காற்று மாசுபாடுகள் ஒட்டுமொத்தமாக ஆரோக்கியத்துக்கு ஆபத்தானவை. சுற்றுச்சூழல் மோசமடைவதால், குழந்தைகளும் முதியவர்களும் மிகவும் பாதிக்கப்படக்கூடியவர்கள், கடுமையான நுரையீரல் பிரச்சினைகளுக்கு ஆளாகலாம்.

மாசடைந்த காற்றை தொடர்ந்து சுவாசிப்பது தூக்கக் கலைவுக்கு வழிவகுக்கும் என்று ஆய்வுகள் காட்டுகின்றன. மோசமான காற்று மேல் சுவாசப் பாதையுள் நுழைந்து எரிச்சலை ஏற்படுத்தி, சுவாசிப்பதை அவ்வளவு கடினமாக்கும் என்பதால் இதில் ஆச்சரியமில்லை. நம் நுரையீரல்கள் சுவாச மண்டலத்தின் முதன்மை உறுப்புகள். சுவாச மண்டலத்தின் மற்ற உறுப்புகள் காற்றை நுரையீரலுக்குச் செலுத்துகின்றன; உதாரணமாக மூச்சுக்குழாய் (trachea), இது bronchi என்ற சிறிய கிளைகளாகப் பிரிகிறது, இவற்றின் வழியாகவே காற்று சுவாசப் பாதையில் நுரையீரலுக்குச் செல்கிறது. மாசு அதிகரிக்கும்போது இந்த் திறமையும் கடினமாகிறது; பலவீனமான நுரையீரல் உள்ளவர்களும், இன்னும் முழுமையாக வளராத உறுப்புகள் கொண்டவர்களும் அதிக சிரமப்பட்டு, அமைதியின்றி இரவுகளைக் கழிக்கத் தொடங்குகிறார்கள்.

மோசமான காற்றை எதிர்கொண்டு நன்றாகத் தூங்க நீங்கள் செய்யக்கூடியவை-

• வெளிக் காற்றில் இருப்பதைக் குறைத்துக்கொள்ளுங்கள். மாசு உச்சத்தில் இருக்கும் அதிகாலையில் அல்லது இரவில் வெளியே செல்வதைத் தவிருங்கள். நாளின் பெரும்பகுதி ஜன்னல்களை மூடி வைக்க முயலுங்கள்,
• சுவாசப் பிரச்சினை இருந்தால், இன்ஹேலர் வாங்கலாம். அது இனி ஆஸ்துமா உள்ளவர்களுக்கு மட்டும் அல்ல. தொடர் இருமல், மூச்சுத்திணறலின்போது வரும் சத்தம், மார்பு இறுக்கம் அல்லது நுரையீரலில் ஏற்படும் எந்த அசௌகரியத்திற்கும் இது நிவாரணம் தருகிறது. பீட்டா அகோனிஸ்ட் நுரையீரலில் உள்ள மூச்சுக்குழாய்த் தசைகளைத் தளர்த்தி, காற்றுப் பாதையைத் திறந்து, அதிக ஆக்ஸிஜன் உள்ளே வர உதவுகிறது. தூங்குவதற்கு முன் இன்ஹேலேஷன் செய்து பார்க்கலாம்.
• ஏர் ப்யூரிஃபையர் வாங்குங்கள் அல்லது வீட்டைச் சுற்றி அதிகப் பசுமையைச் சேருங்கள்; சமாளிக்க உதவ வீட்டுக்குள் வளரும் செடிகளையும் வைக்கலாம்.
• உடலைத் தூய்மைப்படுத்த, இஞ்சி, துளசி, மஞ்சள் கொண்ட அழற்சி எதிர்ப்பு பானத்தை நாளுக்கு குறைந்தது இரண்டு முறை குடியுங்கள்.
• நோய் எதிர்ப்பு சக்தியை அதிகரிக்கவும் அந்தப் புகைபனியின் தீய விளைவுகளை எதிர்கொள்ளவும் நல்ல அளவு வைட்டமின் C எடுத்துக்கொள்ளுங்கள். ஓசோன் காற்று மாசுடன் பல நச்சுப்பொருட்கள் வருகின்றன. உடலைத் தூய்மையாக வைத்திருங்கள்.
• சில மூச்சுப் பயிற்சிகளை செய்யுங்கள். நுரையீரல்கள் சமாளிக்க உதவ, யோகாவைவிட சிறந்தது எதுவுமில்லை. பஸ்திரிகா பிராணாயாமம் மிகவும் பயனுள்ளது. இந்தச் சிறந்த மூச்சுப் பயிற்சி உடலைத் தூய்மைப்படுத்த (சுருக்கமாக டீடாக்ஸ்) உதவி, ஆற்றலைத் தக்கவைக்கிறது. செய்யும் முறை:
• பத்மாசனம் அல்லது தாமரை நிலையில் அமர்ந்து, மூச்சு விடும்போது வயிறு முழுமையாக விரிய அனுமதியுங்கள்.
• ஐந்து வரை எண்ணிய பிறகு மூச்சை வெளியே விடுங்கள். இப்போது வலுவாக மூச்சை உள்ளிழுத்து வெளியே விடுங்கள்
• மூச்சு உதரவிதானத்திலிருந்து வெளியேறுவதை உறுதிசெய்யுங்கள்; வயிறு உள்ளேயும் வெளியேயும் நகரும்போது கழுத்து, தலை, மார்பு, தோள்களை அசையாமல் வைத்திருங்கள். சிறந்த தூக்க அனுபவத்தைத் தேடுகிறீர்கள் என்றால், இந்தியாவின் சிறந்த மெத்தை பிராண்டைப் பாருங்கள்.