కొత్త సంవత్సరంలో మెరుగైన నిద్ర కోసం 5 తీర్మానాలు

మరో సంవత్సరం గడిచిపోయింది, మీ ఆటను మెరుగుపరచుకుని, ఆరోగ్యకరమైన అలవాట్ల ప్రమాణాన్ని పునరుద్ధరించుకుని ప్రయోజనం పొందడానికి ఇది మరో అవకాశం. మరింత సంతోషంగా, ఆరోగ్యంగా ఉండటానికి కొత్త సంవత్సరాన్ని స్వాగతించండి. గరిష్ఠ ఫలితం కోసం రాత్రి మంచి నిద్ర పొందేలా చూసుకోవడం కంటే మంచి మార్గం ఏముంటుంది.

కొత్త సంవత్సరంలో మెరుగైన నిద్ర కోసం చేయాల్సిన 5 ప్రతిజ్ఞలు ఇవి-

1. నేను ఒక నిద్ర దినచర్యకు కట్టుబడి ఉంటాను : ప్రతిరోజూ దాదాపు ఒకే సమయానికి పడుకోవడం, నిద్రలేవడం మీ శరీర అంతర్గత గడియారాన్ని సరిచేయడానికి సహాయపడుతుంది. వీలైతే వారాంతాల్లో కూడా తప్పకుండా ఉండటానికి ప్రయత్నించండి, తప్పితే మరీ ఎక్కువ తేడా రానివ్వకండి. అలాగే ఒక Sunday (ఆదివారం) నాడు కొన్ని గంటలు అదనంగా నిద్రపోయినందుకు అపరాధ భావన వద్దు. అలసట అంతా నిద్రతో తీర్చుకోండి.
2. నేను అన్ని గ్యాడ్జెట్లను బెడ్‌కు దూరంగా ఉంచుతాను: ఆరోగ్యం కోసం, చింత లేని గాఢ నిద్ర కోసం మీ గ్యాడ్జెట్లను దూరంగా పెట్టి, రావాల్సిన మెయిల్స్ లేదా మెసేజ్‌లు మొదలైనవాటి గురించిన ఆలోచనలను తగ్గించుకోవడం చాలా ముఖ్యం. అర్ధరాత్రి కాల్స్, మెసేజ్‌లు లేదా రాత్రి ఆలస్యంగా సిరీస్ చూడటం కూడా వద్దు, ఎందుకంటే అవి గాఢ నిద్రను భంగపరుస్తాయి. సమతుల్య జీవన విధానం కోసం దీన్ని ఒక నియమంగా చేసుకోండి.
3. మంచి మ్యాట్రెస్/దిండుపై పెట్టుబడి పెట్టి మంచి సపోర్ట్ పొందుతాను:

   సరైన మ్యాట్రెస్ ఎంచుకోవడం శరీర నొప్పులను దూరంగా ఉంచడానికి, మిమ్మల్ని రిలాక్స్ చేయడానికి చాలా ముఖ్యం. ముఖ్యంగా మీకు ఏదైనా వెన్నునొప్పి ఉంటే, మీ మ్యాట్రెస్ మార్చాల్సిన సమయం వచ్చింది. మంచి నాణ్యత గల మ్యాట్రెస్ తో పాటు మ్యాట్రెస్ టాపర్ , మ్యాట్రెస్ ప్రొటెక్టర్ తీసుకోండి. అలాగే మరీ ఎత్తుగా లేదా మరీ చదునుగా లేకుండా, తలకు సరిగ్గా సరిపోయే మంచి దిండు కూడా తీసుకోండి.

4. పడుకునే ముందు నేను ఆల్కహాల్ తాగను: గుర్తుంచుకోండి, ఆల్కహాల్ నిద్రకు సహాయపడదు, నిజానికి శరీరానికి కావలసిన అసలైన గాఢ నిద్రను భంగపరుస్తుంది. ముఖ్యంగా పడుకునే ముందు అతిగా ఆల్కహాల్ తీసుకోకుండా ఉండటానికి ప్రయత్నించండి. ఇది శరీరంలో నీటిని కూడా తగ్గించి, శరీర సాధారణ పనితీరును దెబ్బతీస్తుంది, దాంతో అశాంతిగా, బాగాలేనట్టు అనిపిస్తూ నిద్రలేస్తారు.
5. నన్ను ప్రశాంతపరిచే ఒక ముగింపు దినచర్య పాటిస్తాను: రోజంతా జరిగిన వాటి తర్వాత మీకు ప్రశాంతతనిచ్చే ప్రార్థన లేదా మెడిటేషన్ కోసం అరగంట కాకపోయినా కనీసం పదిహేను నిమిషాలు కేటాయించండి. డైరీ రాసి మీ ఆలోచనలను అందులో పెట్టడం గురించి కూడా ఆలోచించవచ్చు, దాంతో వాటిని మోసుకెళ్లకుండా నిద్రపోగలుగుతారు.