రాత్రి మంచి నిద్ర కోసం ఇవి తాగండి

గట్టి ఆల్కహాల్ డ్రింక్ ఆ క్షణానికి మిమ్మల్ని ప్రశాంతపరిచి నిద్రలోకి జారుకునేలా చేయవచ్చు, కానీ నిజానికి అది మీ శరీరానికి కావలసిన నిద్రను ఇవ్వదు. అది మిమ్మల్ని పైపైన మాత్రమే నిద్రపోయేలా చేస్తుంది, మరుసటి రోజు మిమ్మల్ని మందకొడిగా చేయవచ్చు. మీరు నిజంగా మెరుగ్గా నిద్రపోవాలనుకుంటే, మీ శరీరానికి స్వర్గంలో ఉన్నట్టు అనిపించేలా చేసే గుణాలు ఉన్న డ్రింక్స్‌కు మారండి.

మద్యాన్ని పక్కన పెట్టి, మంచి నిద్ర కోసం, తాజాగా ఉండటం కోసం ఈ ఆరోగ్యకరమైన డ్రింక్స్ ప్రయత్నించండి:

• చామంతి టీ
  నిద్రలేమితో బాధపడేవాళ్లకు నిపుణులు చాలా కాలంగా చామంతిని సూచిస్తున్నారు. ఈ టీ చాలా ఉపశమనాన్ని, ప్రశాంతతను ఇస్తుంది, పైగా కెఫీన్ లేనిది. దాని ప్రభావం వల్ల దీన్ని “స్లీప్ టీ” అని కూడా పిలుస్తారు. చామంతి- లావెండర్ మిశ్రమాన్ని కూడా ఎంచుకోవచ్చు.
• గ్రీన్ టీ
  కెఫీన్ తీసేసిన గ్రీన్ టీ ఒక కప్పు, రాత్రి మంచి నిద్ర పొందడంతో సహా ఎన్నో విధాలుగా ఎంతో ప్రయోజనకరం. గ్రీన్ టీలో థియానిన్ అనే అమైనో యాసిడ్లు ఉంటాయి, ఇవి ఆరోగ్యకరమైన రాత్రి నిద్రకు ముఖ్యమని నిరూపితమైంది.
• కొబ్బరి నీళ్లు
  కొబ్బరి నీళ్లను మనం ఉత్తేజపరిచే, తాజాదనాన్ని ఇచ్చే డ్రింక్‌గా భావిస్తాం. కానీ రాత్రి మంచి నిద్ర విషయంలో నిజానికి ఇది మీకు అత్యుత్తమ స్నేహితుడు. మెగ్నీషియం ఎక్కువగా ఉండి, శరీరానికి మళ్లీ నీటిని అందించడంలో చాలా బాగా పనిచేసే తాజా కొబ్బరి నీళ్లు మీరు పసిపాపలా నిద్రపోవడానికి సహాయపడతాయి. ప్రతిరోజూ తాగి ఫలితం చూడండి.
• చెర్రీ జ్యూస్
  ఉదయం ఒక గ్లాసు, సాయంత్రం మరో గ్లాసు చెర్రీ జ్యూస్ తాగితే ఒక గంట అదనంగా నిద్ర పొందవచ్చని పరిశోధనలు చూపించాయి. ఎందుకంటే చెర్రీల్లో నిద్ర హార్మోన్ అయిన మెలటోనిన్ ఎక్కువగా ఉంటుంది.
• బనానా స్మూతీ
  పడుకునే ముందు కొద్దికొద్దిగా తాగడానికి బనానా స్మూతీ చాలా మంచి డ్రింక్. గాఢంగా నిద్రపోవడానికి సహాయపడే సెరటోనిన్, కండరాలను రిలాక్స్ చేసే మెగ్నీషియం ఇందులో ఉంటాయి కాబట్టి ఇది పోషకాలతో పాటు ప్రశాంతతను ఇస్తుంది. బాగా ఆరోగ్యకరమైన, కడుపు నిండే బనానా స్మూతీ కోసం, సగం పండిన అరటిపండును 1 టేబుల్ స్పూన్ బాదం బటర్‌తో కలిపి, లేదా ఒక టీ-స్పూన్ తేనె, 1/2 కప్పు సోయా లేదా బాదం పాలు వేసి మెత్తగా అయ్యే వరకు బ్లెండ్ చేయండి.
• పాలు
  గోరువెచ్చని పాలు మిమ్మల్ని నిద్రలోకి జారుకునేలా చేయగలవు. రుచి అంత బాగా లేకపోయినా ఆరోగ్యానికి మంచిది కాబట్టి పసుపు కలుపుకోవచ్చు, లేదా కొంచెం కోకోతో తాగవచ్చు. లేదా కేవలం ఒక టీ స్పూన్ తేనెతో తాగవచ్చు, మీకు తెలియకుండానే తీయని కలలు వస్తాయి.

గుర్తుంచుకోండి, సరైన మోతాదులో నిద్ర పొందడానికి ఆరోగ్యకరమైన ఆహారం మాత్రమే కాదు, మీకు లేటెక్స్ ఫోమ్ మ్యాట్రెస్ కూడా అవసరం.