డైట్‌లో ఉన్నప్పుడు బాగా నిద్రపోవడం ఎలా

మీరు బాగా నిద్రపోయేలా చూడటంలో మీ ఆహారం ఎంతో ఉపయోగపడుతుంది. మంచి రోగనిరోధక శక్తిని, ఆరోగ్యాన్ని పెంపొందించడంలో మంచి ఆహారం, నిద్ర ఎంతో ఉపయోగపడతాయని గుర్తుంచుకోండి. ప్రత్యేక డైట్‌లు పాటించే వారందరూ, నిద్రతో ఇబ్బంది పడకుండా ఉండేలా మీ శరీరానికి కావలసినవి బాగా అందేలా చూసుకోవాలి. తక్కువ నిద్ర బరువు తగ్గే మీ ప్రయాణంలో పురోగతికి అడ్డుపడుతుందని గుర్తుంచుకోండి. ఎంతైనా తక్కువ నిద్ర ఆకలిని పెంచి, జీవక్రియను తగ్గించగలదు. మీకు నిద్ర తక్కువైనప్పుడు మన ఆకలికి కారణమైన Gherlin హార్మోన్ అతిగా పనిచేస్తుంది, తినడం ఆపమని మనకు సంకేతం ఇచ్చే Leptin హార్మోన్ గణనీయంగా తగ్గుతుంది. ఈ అసమతుల్యత అనారోగ్యకరమైన అలవాట్లను ప్రేరేపించి, శరీరంలో లోపాలను సృష్టిస్తుంది.

ప్రోటీన్లు, కార్బోహైడ్రేట్లు, కొవ్వుల వంటి అన్ని మాక్రో పోషక వర్గాలను చేర్చుకుంటూనే మన ఆహారపు అలవాట్లను క్రమశిక్షణలో పెట్టుకోవాలి. అయితే వాటిని సమతుల్యంగా, మన శరీర తత్వానికి తగ్గట్టుగా తీసుకోవాలి, కానీ మన మొత్తం శ్రేయస్సులో అవి కచ్చితంగా తమ పాత్ర పోషిస్తాయి. ఈ మధ్య కీటోజెనిక్ డైట్ బాగా పాపులర్ అయింది, అయితే అందులో కార్బోహైడ్రేట్లు అస్సలు ఉండవు, ప్రోటీన్లు, ఆరోగ్యకరమైన కొవ్వులతో కూడిన ఆహారాన్ని అది ప్రోత్సహిస్తుంది. ఊబకాయం ఉన్నవారు అప్పుడప్పుడు పాటిస్తే అది నిజంగా అనారోగ్యకరం కాదని డైటీషియన్లు సూచించినా, నిద్ర తెప్పించే ట్రిప్టోఫాన్ అనే రసాయనం కార్బోహైడ్రేట్లలో ఉంటుంది కాబట్టి మనందరికీ కొంత కార్బోహైడ్రేట్లు అవసరమనేదే సాధారణ అభిప్రాయం.

కొన్ని డైట్‌లు మీ శక్తిని పెంచుతూనే మీ మెలటోనిన్ ఉత్పత్తిని తగ్గించగలవు కాబట్టి, మెలటోనిన్ ఉన్న ఆహారాలను ఎంచుకోవడం చాలా అవసరం. మీ డైట్ పద్ధతికి అడ్డు రాకుండానే శక్తిని పెంచే ఇతర సహజ వనరులతో పాటు, నట్స్, అరటిపండ్లు, హమ్మస్‌లో మెలటోనిన్ ఉంటుంది. మెలటోనిన్ మాత్రలు త్వరగా నిద్రపోవడానికి సహాయపడవచ్చు కానీ నిద్ర సామర్థ్యాన్ని తప్పనిసరిగా మెరుగుపరచవు. ప్రోటీన్లు విచ్ఛిన్నం కావడానికి ఎక్కువ సమయం పడుతుంది కాబట్టి Keto వంటి డైట్‌లు మీ జీర్ణ వ్యవస్థపై ఎక్కువ ఒత్తిడి పెట్టి, అశాంతి రాత్రికి దారితీయవచ్చు. అలాంటప్పుడు రాత్రి భోజనం 7 pm కల్లా ముగించాలి, క్యాబేజీ లేదా కేల్ వంటి సరైన కూరగాయలు ఎక్కువగా, ప్రోటీన్లు తక్కువగా తీసుకోవడం ఉత్తమం.

నిజానికి చాలా డైట్‌లు కార్బోహైడ్రేట్లను తగ్గించడంపైనే దృష్టి పెడతాయి, కానీ తీవ్రంగా చేసే ఏ పనికైనా దుష్ప్రభావాలు ఉంటాయని, అవి దీర్ఘకాలిక పరిష్కారం కాదని గుర్తుంచుకోండి. బదులుగా తక్కువ కార్బోహైడ్రేట్లతో భోజనం చేయడం, చివరి భోజనాన్ని త్వరగా ముగించడం, వ్యాయామం చేయడం, ఒక క్రమాన్ని పాటించడం వల్ల మీ జీవక్రియ సాధారణ స్థితికి వచ్చి, అనారోగ్యకరమైన బరువును, వ్యాధులను దూరంగా ఉంచడానికి సహాయపడుతుంది. సరైన మోతాదు అందేలా రోజంతా తక్కువ కార్బోహైడ్రేట్లతో కూడిన చిన్న భోజనాలు చేసి, రాత్రి త్వరగా తేలికపాటి, కార్బోహైడ్రేట్లు లేని భోజనం చేయవచ్చు.

మీ ఆహారంలో మీరు ఏ మార్పులు చేయాలనుకున్నా మీ డైట్ ఎదురుతన్నకుండా ఉండాలంటే, ఏ ముఖ్యమైన పోషకాలూ మీకు అందకుండా పోకుండా చూసుకోండి. కాబట్టి తెలివిగా ఆలోచించి, నిద్ర లేదా ఆరోగ్యం విషయంలో రాజీ పడకుండా తెలివైన మార్గంలో బరువు తగ్గడానికి సహాయపడే మా అత్యంత సౌకర్యవంతమైన మ్యాట్రెస్ వంటి ప్రత్యామ్నాయాల కోసం చూడండి!