இரவில் நல்ல தூக்கத்துக்கு உங்கள் வைட்டமின் அளவைப் பெறுங்கள்

நம் ஆரோக்கியமான வாழ்க்கை முறையில் தூக்கம் முக்கியப் பங்கு வகிக்கிறது. தூக்க வசதியைப் பொறுத்தவரை ஒவ்வொருவருக்கும் வெவ்வேறு தேவைகள் உண்டு. பல்வேறு காரணிகள் தூக்கத்தை எப்படிப் பாதிக்கின்றன, நமக்கு ஏன் தூக்கப் பிரச்சினைகள் வருகின்றன என்பதை தூக்க விஞ்ஞானிகள் புரிந்துவைத்துள்ளனர்.

சரியான & சிறந்த தரமான மெத்தை இரவில் நல்ல தூக்கம் பெற உண்மையிலேயே உதவும் என்பது நமக்குத் தெரியும்; அதேபோல, சில வைட்டமின் குறைபாடுகளும் நம் தூக்கத்தின் தரத்தைப் பெரிதும் பாதிக்கலாம்.

வைட்டமின்கள்தான் நல்ல தூக்கத்துக்கான மாயாஜால மாத்திரைகள், தூக்கமாத்திரைகள் அல்ல. வைட்டமின்களை எடுத்துக்கொள்வதன் நன்மை, அவை உங்கள் உடலை சமநிலைப்படுத்தி, உங்கள் தூக்கப் பிரச்சினையை ஆழமான நிலையில் சரிசெய்யும் என்பதுதான். எனவே உடனடித் தீர்வுகளைத் தூக்கியெறிந்து, உடலின் இயற்கையான செயல்பாட்டிற்கு உதவும் சரியான வைட்டமின்களுடன் உங்கள் தூக்கத்தின் தரத்தை மேம்படுத்தும் சரியான வழியைப் பின்பற்றுங்கள். சில நேரங்களில், மீண்டும் நல்ல தூக்கத்தைப் பெறவும் சோகத்தை விரட்டவும் நம் உடலில் வைட்டமின்களையும் தாதுக்களையும் மீட்டெடுத்தாலே போதும்.

இரவில் அமைதியின்றி இருந்தால், உங்கள் உடல் ஏங்கக்கூடிய சில வைட்டமின்கள் இதோ-

1) வைட்டமின் D
இந்த வைட்டமின் பல வழிகளில் உதவுகிறது. மனச்சோர்வையும் சோம்பலையும் தள்ளி வைப்பதாகவும் அறியப்படுகிறது. இது தூக்கத்தின் தரம் மற்றும் அளவு இரண்டையும் பாதிக்கலாம். உடலின் மன மற்றும் உடல் செயல்பாட்டுக்கு வைட்டமின் D மிக முக்கியம். உடல் பாஸ்பரஸ் மற்றும் கால்சியத்தை உறிஞ்ச உதவுவதன் மூலம் எலும்பு ஆரோக்கியத்திற்கு பங்களிக்கிறது. ஒட்டுமொத்த வலிமையும் நீங்கள் ஆழ்ந்து தூங்க உதவும். இந்த வைட்டமின் பற்றாக்குறை அதிக பகல்நேரத் தூக்கக் கலக்கத்தை ஏற்படுத்துவதாகத் தெரிகிறது. சூரியனே சிறந்த ஆதாரம் என்றாலும், சமநிலையின்மையைச் சரிசெய்ய சப்ளிமெண்ட் முக்கியம்.

2) மெலடோனின்
உங்கள் மூளையின் நடுவில் உள்ள பட்டாணி அளவிலான பைனியல் சுரப்பிதான் மெலடோனினை உற்பத்தி செய்கிறது. உங்கள் சர்க்கேடியன் ரிதம் சீருகுலைந்தால் உடல் குறைவான மெலடோனினை உற்பத்தி செய்கிறது; இது தூக்கம் கெடுவதற்கு வழிவகுக்கிறது. மெலடோனின் மக்கள் அமைதியின்மையைக் குறைவாக அனுபவிக்கவும், விரைவில் தூங்கவும் தொடர்ந்து தூங்கவும், பகலில் சோர்வைத் தவிர்க்கவும் உதவுகிறது. மிகச் சிறிய அளவை மட்டுமே எடுத்துக்கொள்வதை உறுதிசெய்யுங்கள்—பொதுவாக 0.25 mg அல்லது 0.5 mg; அதற்கு மேல் எடுத்தால் எதிர்விளைவு ஏற்படலாம். புளிப்புச் செர்ரி போன்ற இயற்கை உணவுகளிலும் இது உள்ளது.

3) பொட்டாசியம்
பொட்டாசியம் ஒரு அத்தியாவசிய தாது உப்பு; இது சில நேரங்களில் "நல்ல உப்பு" என்று அழைக்கப்படுகிறது. ரத்த அழுத்தத்தைக் கட்டுப்படுத்துவதில் அதன் பங்கிற்காக இது அதிகம் அறியப்படுகிறது; தூக்கத்தை மேம்படுத்த, மற்ற விஷயங்களுடன், மெக்னீசியத்துடன் இணைந்து செயல்படுகிறது. தன் செயல்களைச் செய்ய, எலக்ட்ரோலைட்டாக, நேர்மான்றல் கொண்ட அயனியான பொட்டாசியம் ஒரு குறிப்பிட்ட அடர்த்தியைப் பராமரிக்க வேண்டும். நல்ல தூக்கத்துக்கு முக்கியமான தசை சுருங்குதல், நரம்பு சமிக்ஞை பரிமாற்றம், இதய செயல்பாடு ஆகியவற்றைக் கட்டுப்படுத்த இது சோடியத்துடன் இணைந்து செயல்பட வேண்டும். லெட்டூஸ், அவகேடோ, பிராக்கோலி, கீரை போன்ற பல பச்சைக் காய்கறிகளிலும் இது உள்ளது.

4) மெக்னீசியம்
மெக்னீசியம் நாம் தளரவும் மன அழுத்தத்தை விடுவிக்கவும் உதவுகிறது. இதன் பற்றாக்குறை மனச்சோர்வையும் தூக்கமின்மையையும் ஏற்படுத்தலாம். மைட்டோகாண்ட்ரியா உட்பட செல் சவ்வுகளுக்குள் ஊடுருவி, அதிக ஆற்றலைத் தருவதால், மெக்னீசியம் த்ரியோனேட் சிறந்த ஆதாரங்களில் ஒன்றாக இருக்கலாம். மேலும், இது ரத்த-மூளைத் தடையையும் கடந்து, மறதி நோய், மனச்சோர்வு மற்றும் தூக்கத்துக்கு சிகிச்சையளிக்கவும் தடுக்கவும் அற்புதமாகச் செயல்படுவதாகத் தெரிகிறது. இலை காய்கறிகள், கொட்டைகள், விதைகள் மற்றும் சில வகை மீன்களிலும் இது கிடைக்கிறது.