காற்று மாசுபாடு இருந்தாலும் நன்றாகத் தூங்குவது எப்படி

மோசமான சுவாசம் இயற்கையான தாளத்தைக் கெடுப்பதால், காற்று மாசுபாடு தூக்கத்தின் தரத்தைப் பாதிக்கிறது என்று ஆய்வுகள் காட்டுகின்றன. காற்று மாசடைந்திருக்கும்போது ஸ்லீப் அப்னியா பாதிப்புகள் அதிகரிக்கின்றன; மேலும் சுவாசக் கோளாறும் காற்று மாசுபாடும் இதய மற்றும் ரத்தநாள நோய்க்கான அதிக அபாயத்துடன் தொடர்புப்படுத்தப்பட்டுள்ளன. இவ்வளவு தெளிவான அபாயங்கள் இருப்பதால், சில முன்னெச்சரிக்கைகளை எடுப்பது அவசியம்.

மாசுபாட்டை மீறி நல்ல தூக்கம் பெற சில வழிகள் இதோ-

1) இயற்கையான பொருட்களால் ஆன சரியான மெத்தையும் தலையணையும் இருப்பதை உறுதிசெய்யுங்கள். உங்கள் மெத்தை அல்லது தலையணை மிகப் பழையதாக இருந்தால், அதில் மகரந்தம் அல்லது பூச்சிகள் (mites) நிறைந்திருக்கலாம் என்பதை நினைவில் கொள்ளுங்கள். ஒவ்வாமை தடுக்கும் படுக்கை விரிப்புகளையும் தலையணை உறைகளையும் பயன்படுத்துங்கள். மெஷினில் துவைக்கக்கூடிய படுக்கை விரிப்புகளை வாங்குவதைப் பற்றி யோசியுங்கள். தலையணைகள், விரிப்புகள் மற்றும் போர்வைகளை வாரந்தோறும் துவையுங்கள். இது சுமையைக் குறைக்க உதவலாம்.

2) ஒரு ஏர் ப்யூரிஃபயர் வாங்குங்கள். நல்ல ஏர் ப்யூரிஃபயர் மாசடைந்த துகள்களையும் அச்சமூட்டும் காற்றின் வழி பரவும் தொற்றுகளையும் அகற்றி, சுவாசிக்கும் காற்றை மிகவும் தூய்மையாகவும் ஆரோக்கியமாகவும் மாற்றும்.

3) நச்சுக்களை வடிகட்டும் செடிகளை உங்கள் வீட்டில் வையுங்கள். காற்றிலிருந்து நச்சுக்களை வடிகட்ட சிறந்த செடிகள்: மிதமான வெயிலை விரும்பும் Peace Lily, எளிதில் பொருந்திக்கொள்ளும் ஆனால் பிரகாசமான, மறைமுக வெளிச்சத்தை விரும்பும் Lady Palm அல்லது Broadleaf Lady Palm. . காற்றைத் தூய்மைப்படுத்த உதவும் மற்றொரு வீட்டுச் செடி English Ivy - இது பெரும்பாலும் Common Ivy அல்லது European Ivy என்று அழைக்கப்படுகிறது.

4) இலேசாக உணர, தூங்குவதற்கு சற்று முன் ஆவி பிடியுங்கள். மேல் சுவாசப் பாதையின் கோளாறுகளுக்கு ஆவி பிடிப்பது நல்ல நிவாரணம் தரும். குறிப்பிட்ட மூலிகைகள் அல்லது எண்ணெய்களுடன் சேர்த்து ஆவி பிடித்தால், அடைப்பிலிருந்து நிவாரணம் கிடைக்கலாம். சிறந்த பலனுக்கு, கொதிக்கும் நீரில் ஒரு டீ பை அல்லது யூகலிப்டஸ் எண்ணெயைச் சேர்க்கலாம்.